لعبه في المطبخ

خيرا ان شاء الله فينك

ممكن العب معاكوا واسئل ولا مش ممكن ممكن صح انا هسال الدور كان علي سالي قوليلي ازاي تعملي رز بلبن سهل اهو

ممكن العب معاكوا واسئل ولا مش ممكن ممكن صح انا هسال الدور كان علي سالي قوليلي ازاي تعملي رز بلبن سهل اهو

انا اسفه الرساله اتبعتت مرتين

يا جماعه انا بعد ازنكم هكمل بدل سمراء على ماترجع بالسلامه
والا سئله حاليا لنوجا وبس
قوليلى يا قمريه ازى تحضرى غداء فاخر

قوليلى يانوجا وبس أزاى تعملى المكرونه بالبشاميل وقوليلى طريقة البشاميل لوحدها ؟؟؟؟

نوجا وبس
قوليلى ازاى تعملى مسروده الطريقه كامله
هههههههههه
دا اذا عرفتى يعنى ايه اصلا

انتوا خدوني كده علي خوانه ماشي بالنسبه للغداء الفاخر لابد من وجود المحمرات والمشمرات اولا السلطات السلطه الخضراء وسلطه الخضراوات بسله وفاصوليا خضراء وبطاطس وجزر يتسلقوا ويوضع عليهم مايونيز وزبادي او سلطه زبادي او سلطه حمص او كول سلو وسلطه طحينه لو كان الغداء سمك اوك لو سمك هيبقي سمك بلطي وبوري مشوي ومقلي وصياديه لو تعرفوها وسمك فيليه غير الجمبري طبعا والاستاكوزوزا والارز الاحمر والارز بالجمبري دي لو سمك كفايه ولا اكمل اكمل لو غداء عادي بقي هيبقي مكرونه بالبشاميل او رقائق باللحمه المفرومه وطاجن باميه باللحمه الضاني ومحشي ورق عنب وبادنجان وفلفل وكوسه ورز بالخلطه او رز معمر وحمام محشي او فراخ مشويه وبوفتيك وطبعا ملوخيه بالارانب واهم حاجه الشوربه والملوخيه طبعا بالارانب غير الشموع بقي والورد والحلويات كفايه كده متهيلي

حاضر يابلياتشو بالنسبه للمكرونه الباشميل الاول الباشميل ياستي تجيبي الزبده وتسيحيها وتحتي الدقيق وتقلبيه شويه ميحمرش يعني وبعد كده تحتي عليه شويه لبن وشوربه وملح وفلفل وتقلبي كويس اهم حاجه مش يكلكع منك وشوفي انتي بقي بتحبي الباشميل خفيف ولا ماسك نفسه وتسبيه لحد ميبرد وتكسري فيه بيضه وتقلبيه المكرونه نفسها اولا تسلقي المكرونه وتعصجي اللحمه المفرومه وتجيبي الصينيه وتدهينيها وتحطي شويه باشميل في الصينيه مش كتير وتجيبي المكرونه وتحطي عليها برضوا شويه باشميل
وبعدين تحطي نص المكرونه تحت وتحطي اللحمه المفرومه وبعدين باقي االمكرونه والباشميل وبيضه علي الوش وبالهناء والشفاء

بالنسبه للمسروده موردتش عليه ممكن تقوليلي انتي طريقتها
اي سوال

ياة ايه الشطارة دى يا بنتى دا انتى استاذة بقا مش هقولك تاخدى كان فى الميه غير لما تخلصى اليومين الاسئله بتوعك ربنا معاكى بقا ههههههههههههههههههه

طبعا نوجا استاذه مطبخ محدش يقدر يقول حاجه خالص
بس ليا سؤال
ازاي تعملي ( الزروبيان ) او الكبسه
هاااااااااااااااا
انا مستني

رااااااااااااائع جداااااااااااااااااااااا
الله عليكي استاذه

ماشى يا نوجا
بما انك مش عارفه المسروده
ممكن تقوللنا طريقه عمل الكسكسو
ههههههههه
ياريت مش تطلع زى المسروده

لا ماشاء الله أستاذة يانوجا وبس ربنا يوفقك

فى انتظارك يا نوجا

ماشي ياهمس القمر مش قصدك علي الكسكسي انا بشتريه جاهز وفي نوعين حلو او باللحمه
بالنسيه للحلو بحت الكسكسي علي النار وزبده وسكر بودره ومكسرات واسيبه لحد ميسخن وممكن تحتي عليه لبن اوكي دي الحلو

بالنسبه للكسكسي باللحمه تحمري البصل وتحتي اللحمه عليه وتشوحيهم وبعد كده الفلفل الاخضر لو عايزه والفلفل الاسود تقلبيهم شويه وبعدين تحتي الميه وصلصه طماطم والبهارات ماعدا الملح وفي نص السوه تحتي الخضار بطاطس بسله بادنجان زي ماانتي عايزه وتجيبي مصفه وتحتي فيها الكسكسي وتخلطيه بالزبده وشويه ميه وتسويه علي بخار اللحمه وتقلبيه وتضفيله شويه لبن ولو عايزه شويه قرفه ولما تقرب اللحمه تستوي تحتيي الملح والكركم ولما تستوي
تجيبي طبق التقديم وتحتي فيه الكسكسي وتحتي عليه شويه شربه لحمه مش كتير وتعملي حفره في نص الطبق وتحتي اللحمه والخضار وبالهمتاء والشفاء

نوجااااااااا
انا مقدرش عليكى يا ستى
ههههههههه

اقبلى منى البوسه دى
مووووووووووووه
برافوا عليكى

يا جماعة انا عيز اعرف من البلياتشو طريقة :

عمل البسبوسة
<<<<<<<<<<<<<<>>>>>>>>>>>>>>

ومن رقة الندي طريقة:

عمل كعك العيد

يلا نبتدى
قوليلى ازى نعمل طاجن الرز المعمر و فيه حمام

وأنا عيزاك تقوليلى إزاى تعملى المقلوبه