الحــــــوار الســــاخن بين ...الشبــــاب ....والبنــــات ..

يا ساتر عليكو انتم ايه مبتغلبوش من الكلام
كلام كلام فى الفاضى كده

طيب بس مش لما تفهموا الكلام صح
النساء ناقصات عقل ودين يا استاذ ابراهيم تفسيرها مش المعنى اللى انت تقصده
وبعدين كفاية ان الرسول صلى الله عليه وسلم قال رفقا بالقوارير واستوصوا بالنساء خير
وانتوا او معظمكوا مش بيعمل بده

يا جماعة مش كده

احنا عملين الموضوع ده علشان نتناقش مش نتعارك وده ممكن يسبب زعل ما بنا وانا مرضاش بكده

احنا بنسأل سؤال وانتوا بتردوا عليه وانتوا تسألوا سؤال واحنا نرد عليه


وهكذا بدون زعل ولا خناقه


وبعدين يا ست رقة انتي بتقولي انكوا بتصرفوا علينا

انتي نسيتس احنا وصغيرين كلنا مين كان يصرف علي البيت طبعا الراجل وهو بابا

ودلوقتي حان وقت الشباب يصرفوا علي البنات بعد الجواز ولا ايه

تمام تمام كلامك ياافريكانوا
هم بس يشيلوا الاحقاد من قلوبهم
هههههههههههههه
يلا ميهمش احنا بردوا لازم نتصرف برشادة
المهم هم المفروض يسألوا

هما سألوا واحنا جاوبنا المفروض احنا نسأل ولا اية

طيب اسأل يافريكانوا

ياشباب قولولي بقي
ليه بعض الرجله لما مراته يبقي فيها عيب او قصرت في حاجه بدون قصد وهي مش واخده بالها ميلفتش نظرها ليه ميعدش يكلمها باسلوب كويس
لايروح يجري يلعب بديله ويعمل الي علي مزاجه
مثلا لو انشغلت عنه شويه بالاولاد انتي هملاني ومهتمه بعيالك مهم عيالك برضوا تسيبوا الحمل علينا ومش عجبكوا

لالا يمكن يكون معاكي حق في بعض الرجال كده فعلا لكن دول اللي بيبقوا واخدين مراتتهم عن غير حب
لكن الراجل اللي واخد مراتة عن حب عمرة ماهيعمل كده ولو عمل كده يبقي حالة شازة او عيب فيه هو
طيب قوليلي ليه لما الراجل بيرجع البيت تعبااااااااان من الشغل يلاقي مراته تقولوا انت جيت يابوز الاخص وتعد تحكيلة في المشاكل بتعتها وتقولوا علي الخناقات الجيران وكاني وماني تعبوا حالي
ايه رائكم بقي؟

لالالالالالالالالالا
مين اللى بيعمل كده
دول برضو حالات شاذة من الزوجات مش بيعرفوا يتعاملوا بحكمة مع ازواجهم مش كلهم يا بلياتشو

والله عندك حق يا هيما دول حالات شاذه وكمان مينفعش ابدا ان الواحد يزعل لما يلاقي مراته مهتمه باولاده دي حاجه تبسطه قوي

ومهما يقول ويشكي ونبه علي اللي بتغلط فيه الست ولكن مفيش فايده دايما زي ما انتوا

يعني تتعبونا بمشاكل ملهاش عازة وتيجوا تقولوا احنا بنسبكم ليه ونلعب بديلنا


حرام عليكوا دا احنا غلابة

قبل الجواز عايزه دي ودي ودي كمان لا دي احلي عايزاها بص الله انا هموت علي دي ممكن تجبها

وده بعد الجواز برضه بيحصل كمان اكت من كده اية هو الواحد هيعمل اية ولا اية لازم يسبكوا كده وينفضلكوا علي اللي بيشوفوا

زي مقلت ياهينه مش كل الرجاله كده اكيد برضوا مش كل الستات كده في وفي
وبعدين انتوا بتبقوا راجعين من بره تقولوا جر شكل ياعوره مش مستحملين الدبانه
والله احنا غلابه معاكوا عايزنا نبقي خادمات عندكوا وبس وملناش حق نتكلم
عايزنا اللهلوبه غسيل ومكواه وطبيخ وعيال
مش بتحمدوا رينا ابدا

احنا عمرنا ما انفكر زوجاتنا يبقوا خادمات

ليه هو احنا اتجننا

هو بس كل الموضوع ان المفروض اللي يقوم بخدمات البيت الست وده طبيعي


والراجل يهتم بامور الاسرة من مصاريف من اي امور تحدث تؤثر عليهم وكده يعني دي الطبيعه الي كل الناس ماشيه عليه ولا ايه يا نوجا

فعلا ياافريكانوا وكمان يانوجا الراجل بيرجع شقيان من الشغل وتعبان محتاج يلاقي الست مبتسمة في وجهه وتنسية ارف الشغل
في ستات بطلع عين الراجل لكن في ستات من كتر لطفتها مع الراجل بيبقي مستعد انه يحققلها كل حاجه هي عيزاها يعني الست هي اللي بتحدد اسلوب الراجل معاها

كلامك صح يا هيما احييك عليه

بص مش كل الرجاله كده ومش كل الستات كده
وبعدين الست زوجه وام
لازم يكون لها الاهتمام بحاجات كتير وبعدين انتم كل الى انتم فلحين فين الاعتراض على كل شىء
وزى ما نوجاا قالت عوزين اللهلوبه فى البيت
وبعدين الست دى انسانه زى الراجل من حقها ترتاح ولا انتم عوزين طلبتكم اوامر واجبه التنفيذ
اينعم تتنفذ بس لازم تحسوا ان الست دى بتتعب وتشقى فى البيت طول اليوم

اكيد لازم نحس بكده ونشكركم عليه بس لو شكرناكم عليه بالفعل هتتكبروا علينا وتتعالو

وعلشان كده احنا مبنرضاش نشكركم عليه بس شيلينكم في قلوبنا وشيلين ليكم كل الحب والتقدير


وانا ذكرت قبل كده انه محدش عايز مراته اللهلوبه بل عايزينكوم الستات الهوانم اللي مرتاحين معانا بس

وغير كده احنا ميعجبناش الحال المايل خالص

يعني مينفعش الراجل يجي من بره من الشغل تعبان ومهموم من الشغل وتيجي المرأة تعكنن عليه

المفروض الواحد يلاقي مراته مستنياه علشان تهديه وتفرحه وضيع عنه همومه مش العكس

انا معاك ومش معاك يا افريكانو
معاك فى الجزأ الأخير من كلامك ان الراجل لازم يرجع يلاقى زوجته منتظراه ومهيأله جو بيت مناسب ده اللى الرسول صلى الله عليه وسلم وصى بيه ومحدش يقدر يقول غير كده

ومش معاك فى الجزأ الأول وهو انك شايل الشكر ده فى قلبك ومش عايز تبينه علشان السبب اللى قلته
بالعكس تمام الست لما تلاقى جوزها مقدرها وبيحافظ على شعورها ومقدر اللى بتعمله علشانه بتكون مستنيه تسمع منه كلمة حلوة ولو حتى مجاملة
الكلمة الطيبة صدقة ولها مفعول السحر وهتكون راضيه وسعيده ولوكان اللى بتعمله ده بيتعبها
اما لو حصل كده واتكبرت عليه يبقى اكيد فى تصرف تانى هو بحكمته كراجل يعرف يتصرف معاها ازاى لكن المهم ان يبدأ بالخير

اولا يا شاهي

اصلي واسلم وابارك علي النبي محمد


ثانيا ياشاهي يعني لو كان الراجل بيشكر مراته ويقول لها الكلمات الجميله التي تسعدها وتكون هيا بده سعيده وتسعده اكثر اكيد الراجل هيعمل كده علشان يلاقي منها ما هو احسن واجمل واروع مما يقوله ويقدمه لها من افعال

ثالثا وده اللي انا اقصده ان الراجل لو شكرها وقال لها كلام جميل وحلو ولقيها تكبرت عليه طبيعي انه مش هيقول كده تاني علشان متعلاش ومتتغرش

ولا ايه رايك

يعنى هو نفس الكلام
بس اصلك يا افريكانو كنت بتتكلم بصفة عامة
كده الصورة وضحت....

طب الحمد لله

انها وضحت وتفهمت

احنا مش عكي النساء ولا حاجة احنا معاهم والمفروض يكونوا هما معانا في نفس الصف


ودليل علي ذلك ان الراجل لو بيكره المرأة اذن لما يتزوج بها


ونفس الشئ للمرأة


ويارب اجعلنا دايما متفاهمين

آمين يا رب العالمين

ايه الحكايه انتوا انسحبتوا خلاص ولا ايه



حد يفهمني يا جماعه

بس ياأفريكانو شكلهم نايمين

دموع تماسيح ايه بس يا افريكانو ديه حالات شاذة من النساء مرضى القلب والإحساس
ودموع كالبصل على الفاضى والمليان ده نوع من النساء حساس قوى مش بيستحمل اى حاجة
وده شىء خارج عن ارادتها يعنى محدش يحاسبها عليه
اما النوع التالت فموجود بس انت اللى ماقبلتوش اكيد ...........
الدموع الصادقة ما اكثرها لكنها تائهة بين معالم الخداع والزيف