تعالو نجاوب وندردش سوا

بصو بقا كل واحد يدخل يسئل سؤال واللى يجى وراة يجاوب وهكذا
وانا هبتدى وربنا يستر
الحب
اول حب فى حياتك كان فى اى مرحله من حياتك؟
وبعد الوقت مامر لسه فاكر الحب دا ولا اتنسى

حلوة الفكرة دي يارقة
انا لسة محبتش لحد دلوقتي بس اظاهر في بدايات حب
هو الوقت لسه ممرش علشان انا عايش فيه

ربنا يسعدك ويدوم دايما الحب دا يا هيمه

بس فين سؤالك عشان اللى يجى بعدك يجاااوب

من عنيا
اجمل هدية تحب تهديها
تهديها لمين وهتكون اية؟

انا بقى اجاوب على سؤالك يا بلياتشوووووووو
الهديه مصحف كلام الله
وهتكون لاخى
اعز الناس
سؤالى جاوب عليه
ايه الشىء الى عملته وندمت عليه وايه الشىء الى فرحت اما عملته اوى
موضووووع حلو يا رقه

الشىء اللى عملتة وندمت علية
انى اتجوزت بالطريقة التقليدية
والشىء اللى فرحت لما عملتة قوى
انى فعلا حبيت بجد
والهى يا رقة الموضوع جامد بس سؤالى
هل ممكن لفتاة ان تحب رجل متزوج حب بجد وتخلص لة فى حبها
مع العلم انة فعلا بيحبها
مع تحياتى ويتا ويتا

هههههه يا سلام على الأسئلة

عموما فى حاجات كتير ندمت عليها بس أخر حاجة

انى ظنيت فى واحد صاحبى ظن مش كويس وعرفت بعد كدة

أنة مظلوم فكانت أكتر حاجة مزعلانى وندمت عليها

أكتر حاجة فرحتنى عموما هى أما بصلى بستريح

وبحس بأمل فى الدنيا

السؤال 00 تتمنى أية فى الدنيا يحصل بس يكون شخصى ليك او ليكى يعنى


ويكون وارد أنة يتحقق يعنى مش حلم او حاجة مستحيل أنها تتحقق ؟


وشكرا يا رقة على الموضوع الجميل دة

أنا عن نفسى محبش أدخل فى قصة حب مع راجل متزوج لأن نمط الحياه دلوقتى بقا سريع جدآ كفايه وقته لبيته وأطفاله .ممكن لو فى حالة مفيش أطفال ظروف الزوجه يعنى
سؤالى هل البكاء ضعف أم إحساس؟

لا ممكن يا انين ان الراجل يتجوز جواز تقليدى
لما يكون بيحب انسانة والانسانة دية تتجوز بردة برضاء اهلة وعلى علم كمان انة عاوز يتجوزها وهما يكونوا اول الناس اللى تدخلوا علشان العريس التانى ولما اللى بيحب يتعب ويمرض ويلاقى الترشيح من الاهل على انسانة تانية وبردة الاب والام يرفضوة
لازم يكون فى لحظة عند وبيجى من هنا الجواز بس
وردى على سؤالك



هوة ان ربنا سبحانة وتعالا يستجيب دعائى وامى تحج بيتة واكون سبب
وشكرا على ردك وسؤالى هوة
مين السبب الرئيسى فى الحب القلب ام العين

ههههههههههههههههههههههههه امنيتى كانت انى احب واتحب
وبعدين لما تحققت رجعت ندمت وانتى عارفه بقا
سؤالى احساس الضعف امتى تحسى انك ضعيف ومع مين بتحسى كدا؟

مش عارفه يا عسليه هتصرف ازى
لانى هبقا مجروحه اووى بس استحاله افكر فى تانى
هرد على سؤال توتا
امتى اعرف انى غلط لما فى وقتها او بعدها بشويه مش كتير لانى بحس بغلطى بسررعه وبندم جدااا عليه
سؤالى اكتر حاجه تحب تعملها فى يومك العادى ايه ولو بتدايق حد الحاجه دى تصرفك بيبقا ازى؟

أنا هقولك ياقمرى أكترحاجه أحب أعملها فى يومى أصحى من النوم جرى على الكمبيوتر أكلم أجمل رقة
لما بتضايق حد (فعلآ بتضايق حد )امممممممممم الحقيقه مبعملش حاجه لأن مش بكون مقصره فى حاجه من اللى عليا يعنى بكون مفضيه نفسى خالص علشان أحلى رقه

سؤالى بقا:هل البكاء ضعف أم أحساس؟؟؟؟

والله انتى سكرة يا بشرة وانا بحبك جدا
بالنسبه لسؤالك بقا
انا بعتبر ان البكاء احساس مش ضعف لانه بجد حاجه جميله اوووى لما يكون الواحد مضيق او زعلاان دى بتبقا هى الفرج والواحد بيستريح لما يعيط دا عن نفسى
سؤالى ليه مش بنقبل توجيهات الناس الكبار لينا وبنعتبر ان دا تدحل وممكن يتاخد منهم موقف عشان كدا رئيك ايه بقا فى الموضوع دا؟؟
سؤال طوييييييييييل هههههههههه

علشان دايما بنبقى فاكرين نفسنا فاهمين كل حاجه واننا كبرنا وهنعرف نتصرف
بس للاسف كتير مننا بيبقى مش عارف حاجه خالص يجى حد كبير يوجهه يقول
أنا عارف أنا هعمل ايه وهو ولا عارف ولا حاجه أو عارف بس مش صح اللى
هو هيعمله عرفتى ليه يارقه علشان تجاربنا فى الحياة ضعيفه وعلشان احنا لسه
خايبين يارقه خايبين خايبين يارقه عرفتى ليه علشان خايبين علشان احنا خايبين

ليه الشباب بتجرى ورا الشىء المضر بالصحه وبيبقى عايز يكون فى وعيه بس مش فى وعيه ؟!

لان الشباب بطبيعتهم عوزين يجربوا كل حاجه
محدش بيتعلم من تجربه حد الا اما بيجرب بنفسه ويحس بالالم او نتيجه فعله
وبعدين الشباب بيعتقدوا ان اراء الكبار تسلط او من وجهه نظرهم تدخل فى حياتهم
سؤالى هو
ليه حقوقنا ضيعه فى البلد دى
على الرغم بيقولو فى حقوق انسان انا بيتهيالى ان كلب الريس له اهميه وبيحافظو على مشاعرة عن البشر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لانك فى بلد كل واحد فيها بيفكر فى نفسه و بس

انا نسيت سؤالى
السؤال هو
اية هيا اكتر حاجة تخليك تسيب انسان حبيتة من كل قلبك

أكيد عدم توافق او تفاهم وأختلاف فى وجهات النظر
السؤال مكرر ايه هى أكتر حاجة تخليك تسيب انسان حبيتة من كل قلبك؟

اة يا بشرة الظروف هى الوحيدة اللى تخليكى تسيبى حد بتحبيه
سؤالى؟
خرجت النهاردة ولا لاء

لا و الله يا رقة عشان كدة زهقانه