اخر نكت

إخبرنى بصراحة يا عاطف ولا داعى للمجاملة أو النفاق .

أمرك يا ريس

عاطف : أنا الأفضل ولا عبدالناصر ؟

عاطف : انت طبعا يا ريس .. جمال مين اللى كان بيخاف من الروس !!

ـ طيب أنا الأفضل ولا السادات ؟

عاطف : سادات مين ياريس اللى كان بيخاف من الأمريكان !!

طيب أنا الأفضل ولا عمر بن الخطاب ؟

عاطف : انت طبعا يا ريس .. عمر بن الخطاب كان بيخاف ربنا .. انت لأ

--------------------------------------------------------------

كمال الجنزوري جه للريس بعد ما شاله من الوزارة وقاله عايز أعرف انت شيلتنى ليه ياريس ؟

قاله يا كمال يا حبيبي التغيير سُنة الحياه ،

قاله طيب شيلت وزير المواصلات ليه

قاله يا كمال يا حبيبي التغيير سُنة الحياة ،

قاله طيب ممكن أسالك سؤال طب ليه انت الوحيد اللى مابتتغيرش

قالوا ياروح أمك تغييركم انتم سُنة لكن أنا وجودي " فرض "

--------------------------------------------------------------

كان فى سرير المرض حينما أخذ يلقى بوصاياه الأخيرة لوزيره عاطف :

وصيتك الحكم من بعدى يا عاطف ..

فى رقبتى يا ريس .. كله تمام والسلطة هياخدها جمال ..

(ثم راح فى غيبوبة .. أفاق منها بعد قليل )

وصيتك الشعب من بعدى يا عاطف .

ما تخافش يا ريس .. الشعب ياكل الزلط ...

(ثم راح فى غيبوبة .. أفاق منها بعد قليل )

عاطف

نعم يا ريس

ماتنساش .. توكيل الزلط لعلاء

-----------------------------------------------------------------------------

دكتور عيون قاعد مع خطيبته في حديقه الاسماك معاه ورده قالها شايفه الورده دي

يا حبيبتي قالت له ايوه فرجع ايده لورا شويه وقالها طب وكده

--------------------------------------------------------------

استضافوا ابو العربى فى برنامج من سيربح المليون فسأله جورج سؤال المليون

و كان السؤال الحج فريضة ام سنة فاندهش ابو العربى و قاله هاستعين بصديق ابن عمى غريب فى بورسعيد

فأتصل عليه وقاله السؤال، رد عليه ابن عمه وقاله اللى سالك السؤال ده مش فاهم حاجة !!!! فسأله ابوالعربى ليه؟؟ قاله لأن الحج اما قرعة أو سياحى


مرة سيادة الريس حسني مبارك مد إيده في جيبه لقي 5 مليون جنيه!!

فزعل قوي وخاف وقال إيه الفلوس دي؟ دي الفلوس دي حرام؟

فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ

وهو يقول لك الحل.

ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي

بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10

مرات.

الريس راح لقي عمنا عاطف عبيد فقال له: أنت بتعمل إيه هنا؟ أنت هتلف كام لفة؟

عمنا عاطف:78 لفة.

الريس: يخرب بيتك أنت؟ ده أنت خربت البلد!!

عمنا عاطف: أنت جاي علي انا؟ روح شوف علاء ابنك جايب موتوسيكل وبقاله 3 أيام

بيلف

--------------------------------------------------------------

قابلت مذيعة اثنان مساطيل

سالت الاول : مصر بالنسبالك ايه ؟

فقال: مصر دى امى.

ثم سالت الثانى :وانت مصر بالنسبالك ايه؟

قال:مأدرش اتكلم عن أم واحد صحبى

--------------------------------------------------------------
واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة

التاني قاله أنا غلب حماري

الأول قله: الدولة هي قطر ولما تحط نقطة حتصير قطز

أم التاني قاله هو قطز عالم ذرة؟؟؟؟؟

فرد عليه الأول يعني هي قطر دولة أوروبية؟؟؟؟
------------------------------

واحد اتحشر في زحمة المرور فلقى واحد بيخبطله على شباك السيارة

فتح الشباك و سأله عايز ايه

قاله : الرئيس حسنى مبارك خطفوه و الفدية 5$مليون دولار

و لو الفدية ماتدفعتش .. الخاطفين هددوا يدلقوا

عليه بنزين و يولعوا فيه

و احنا بنجمع تبرعات .. تحب تشارك ؟

الرجل سأل: " و في المتوسط الناس بتتبرع بكام"

الرجل الثاني : " من 5 الى 10 لتر بنزين

---------------------------

---------------------------

مره حسنى مبارك راح مدرسه ابتدائى فلما جت فتره الاسئله ولد رفع ايده

مبارك ساله اسمك ايه فقاله رامى فقاله ايه سؤالك يا رامى ؟

رامى : انا عندى اربع اساله

1 - ليه انت رئيس بقالك 25 سنه ؟

2 - لسه معينتش نائب ؟

3 - ليه ولادك ماسكين كل حاجه فى البلد ؟

4 - ليه مصر حالتها الاقتصاديه زفت و انت مبتعملش حاجه ؟

ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟

ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟

تامر : انا عندى 6 اساله

1 - ليه انت رئيس بقالك 25 سنه ؟

2 - لسه معينتش نائب ؟

3 - ليه ولادك ماسكين

كل حاجه فى البلد ؟

4 - ليه مصر حالتها الاقتصاديه زفت و انت مبتعملش حاجه ؟

5 - ليه جرس الراحه رن ربع ساعه بدرى ؟

6- فين رامى ؟؟؟؟؟؟

--------------------------------------
-------------------------------------

*كان فى سرير المرض حينما أخذ يلقى بوصاياه الأخيرة لوزيره نظيف :

- وصيتك الحكم من بعدى يا احمد ..

- فى رقبتى يا ريس .. كله تمام والسلطة هياخدها جمال ..

(ثم راح فى غيبوبة .. أفاق منها بعد قليل )

- وصيتك الشعب من بعدى يا احمد .

- ما تخافش يا ريس .. الشعب ياكل الزلط ...

(ثم راح فى غيبوبة .. أفاق منها بعد قليل )

- احمد

- نعم يا ريس؟

- ماتنساش .. توكيل الزلط لعلاء

-----------------------------------------
---------------------------------------

بيقولك مره شيخ اتمسك فى امن الدوله و سابوه

فامن الدوله مراقبينه . اول يوم لقوه ماشى فى شارع

الهرم راحوا مكلمين الريس و قالوله الشيخ تاب ياريس

تانى يوم لقوه فى كباريه قالوا الشيخ تاب و اناب ياريس

تالت يوم لقوه فى الاتوبيس بيسرق واحد قالوا الشيخ تاب

و اناب و بقى من الحزب الوطنى ياريس

--------------------------------------
--------------------------------------

ذهب نظيف عندما كان نائبا الى

نزهة فوجد تمثالا للجندي المجهول يققف ممسكاً

ببندقيته فاقترب منه وأخذ يتأمله، فقال له

التمثال: لقد تعبت من الوقوف فأحضر لي حصاناً

أركب عليه، فتعجب نظيف مما حدث ، وعندما عاد

أخبر مبارك بما جرى، فلم يصدقه ، وطلب

من نائبه أن يذهب سوياً للتحقق من الأمر

وعندما وصل نظيف ومبارك واقتربا من التمثال قال

التمثال لنظيف: لقد طلبت منك حصاناً وليس حماراً

-------------------------------------
كفاية كدة لحسن اروح في داهية

ايه يا عم بلياتشو انته حاطت الريس فى دماغك ليه سيبه فى حاله
بس رائع كل ده والله بجد

ليه حق يا القلب الطيب....نكت جامد يا بلياتشو(بس زى ماقولتلك هو أحسن من غيره )

هههههههههههه
اصل نكت جامدة جدا فحبيت احطها هههههههههه

هو يمكن يكون احسن من غيرة علشان شبع خلاص
بس اللي جي هياكل زيه

ربنا يستر وميكنش حد بيتجسس عليك من الرياسة

ههههههههههههههههههههههه

ههههههههههههههههه
ربنا يستر انا خايــــــــــــــــــــف

هههههههههههههههههههه والله هتودينا ورا الشمس
ههههههههههههه

هههههههههه بجد نكت جامدة جدا جدا جدا

هههههههههههه
شوفت بقي نكت تودي في دهية