علشان انت مصري (احمد فؤاد نجم)

قصيدة عشان انت مصرى



عشان انت مصرى... لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الأغانى
بتاع الحضارة وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدأ فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش مية تشطف صابونة فى إيديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصلة
أدى المترو واقف وكهربته فاصلة
وفى الميكروباص خناقة وحاصلة
أوتوبيس فرامله عايزالها وصلة
وتوك توك ده تايه ومحتاج لبوصلة

بتوصل لشغلك بدم اتحرق
فى زحمة وكتمة وحر وعرق
رئيسك سايبلك كومة ورق
ده غير دمغة ضايعة وملف اتسرق
وفيه كام مواطن عامللك قلق
بيشكى تقول له روح اندعق
وعركة وهوجة وشاى اندلق
ومخك خلاص م الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تِهاتى ياناس اتهريت
ولا حد سامعك مهما هاتيت
عشان انت مصرى وده للاسف
فلازم تقاسى تعيش تتقرف
وكل الأساسى فى حياتك ترف
فتنسى الكرامة وتنسى الشرف
وتسرق وتنصب أو تنحرَف
ودمعك بيجرى وجرحك نزف
مش انت اللى مصرى؟؟؟ جتك ميت قرف

ههههههههههههههههههههههههه


بجد جميله جدا يا هيما حلوة زي ما بيحصل بالظبط مع الناس


اشكرك عليها والله يرحم كاتبها ويجازي ناقلها لينا كل الخير

تقبل مروري

انا من عنوان الموضوع افتكرت هيبقى مدح فى مصر
بس حلوة اووووووووى
رائعه
ده فعلا هو الى بيحصل
مرسى على نقلك للقصيدة الرائعه دى
ههههههههههههههههههههههههههههههههههه
الدنيا فيها كم بلياتشووووووو

الله يخليكي ياافريكانوا لمرورك الجميل اشكرك ياحبيبي

الله يخليكي الدنيا دي فيها كام قلب طيب زيك

جميلة أوى بلياتشو

أحمد فؤاد نجم معروف بالحاجات ديه 100100

هههههههههههههههههههههههه
فظيعة بجد ملهاش حل
اختيار جميل جدا جدا يا ابراهيم
احمد فؤاد نجم استاذ وشاعر كبير انا من اشد معجبينه

جااااااااااااااااااااااااااااااااااااااااامدة ياهيمه
احسنت الاختيار ياعسل

هههههههههههههههههههههه
ليه بس كدة يا هيمه
يعنى الحكاية مش قوى كدة