رفقــــــــــــــاء الـــقمــــــــــــــــر

احلى منتدى بيكم وبينا ان شاء الله


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ف الحلميه

اذهب الى الأسفل  رسالة [صفحة 1 من اصل 1]

1المنتدى العام ف الحلميه في الإثنين أغسطس 25, 2008 5:14 pm

Hegazy 82

avatar
عضو شغااااااال
عضو شغااااااال
ف الحلميه

هناك و أنا ماشي

عدي عمري

في راسي

ف لحظه

شوفت ملامحي

و هي بتتكون

و رجعت جوا

ف عقلي

تركيبه الصوره

لملمت جذوري

ف لحظه

بهجه و دفا

و لما

ف حر العمر

بتظهر

و بترسملك صوره جميله

دعبست في عقلي

ظهرت صوره

كنت فوق السفره

و أمي و أبويا و أخويا

و عماتي و جدي

كله بيضحك

ف بيتنا

ف الحلميه

وجدي

بينطني فوق رجله

و بيعشق أيده

ف أيدي

و بيرفعني برجله

فوق الدنيا

و أنا بضحك

و أنا ماسك أيده

كأني موصول

ببدايه الرحله

و بأخد أمر

بأني أكمل

و أخطي كل حدود الحاضر

و أخد كل الماضي

و أكمل بكره

جدي كان

بيسقيلي البسكوت

بالشاي بحليب

و يمسك أيدي

و ننزل نتمشي

نجيب كوكاكولا

و حليب من أبو ربع جنيه

و قوله عايز

أروح جامع قيسون

و أتمشي ف سوق المناصره

و أشوف مصر

جوامع و زحمه

و ناس بتضحك

رغم بشاعه الصوره

جدي كان بيحب

يسمع نكتي

الصغيوره

و نقعد ف البرج

و يعدي مسحراتي

يقول

أصحي يا ميزو

واحد الدايم

أصحي يا ميزو

وحد الرزاق

كلمته كانت

ترياق

بيرسم علي وشي

ضحكه

و عماتي تحضني

و تضحك

و اقولهم

هجوزكو أيمن شوقي

لاعيب الكوره

كانت أجمل صوره

و دلوقتي

لما بروح نواحي

البيت ف الحلميه

مبلقاش البيت

أتزال ف الزلزال

و سابني

أكمل مشواري

و أنا مشروخ

بس أجمل حاجه

لقيتها

كشك البسكوت

ال لسه بسقيه

ف أي مشروب

و بواصل

ربط الماضي ببكره

و بروح لبدايه الرحله

و أنا ف الحاضر

علشان أبقي

قادر

أواجه بكره


خرجت للنور

21\7\2008

معاينة صفحة البيانات الشخصي للعضو

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى